BUGRA JISU MWTHANGNAI APHA

    Bugra Jisu mwthangnai Apha,
    Khakchang rwnai Nwng chwngno; -2

1. Hamjak tongo Nono chwngle,
    Chini bagwi Nwng thwi kha-2
    M'thang bai kha do, thwi k'thar bai se,
    Chwng le tongo Nwng bai se.

2. Nwng hai le o ha-o tei krwi,
    Ha saka bai Nokha-o -2
    Apha kaitor mwthangnai kotor
    Tong o Nwng chini Palo.

3. Chwng le tong o naisingwi se,
    Phung  kwchang bai aidrobo -2
    Hamya hwn thung chwngno bui le,
    Him anw Bugrani logi.

                    ####

BUGRA JE THANIO NWNG ANO ROHORO

1. Bugra je thani-o Nwng ano rohoro,
    Hathái kuchuk tei twi kotor tongmarogo;
    Nini kók tei krus bai ano chum khei
    Nini hamjakma kókno pír tongnai.

               Him di, dakti khlai di,
               Sal tháhng rwrwk wng kha;
               Kalbarini langma siyarokni thani
               Nini yapri kama abo nini wngnai,
               Ta kri si di, ta kri si di,
               Phan krakma khe tong di.

2. Soitan ari k'torno kriyaui tháng tong di,
    Ang kók rw kha, "molbrúm se
    Ang nwng bai tongnai"
    Nono dagi-o, mungsa ta kri si di,
    Ta kri si di, phan krakma khe tong di.

3. Ani kók le kebel wng ya krak se wngo,
    Ang kók rw kha Nin' samungo kasujak ya;
    Nini thángma hano nono rwnai,
    Ta kri si di, phan krakma khe tong di.

4. Ani tongthai Jaion thai-o tubu bai di,
   Bórokni bagwi tongthokma ha ang snamo,
   Bórokno kriya khe sa bai si di,
   Nini kaham motok nwng le mannal.

                         ####

BOROKNI SUMSOKNO

          Borokni sumsokno su-ui kwlang kha,
          Chini Subrai Jisu. 2
          O khatango, O Subrai Nono. -2

1. Hamjak kha khairok kha Nini borokno,
    Krus saka Nwng nakarwi,
    O khatango, O Subrai nono. -2

2. Nakar di nakar di o Subrai chwngno,
    Chwng sumsok khlaijakmani,
    O khatango, O Subrai nono. -2

                         ####

                        By: Manmohan Jamatia

BOYAR KWTAL SIB PHAI KHA

  Boyar kwtal sib phai kha
  Tongmung kwtal bo phai phi kha (2)
  Tini le chini khábo tongthogwi mwsa kha,
  Bisi kwtal bo teisa kiphilwi phai phi kha(2)
          Ho, ho ho, ho,ho, ho, la, la, la, la, la, la

1. Jorano mwchangwi pung baikha toksa,
    Subral Jisuni hamari man kha. (2)
    Kwtal khe chini kháno tini chwng swnam kha,
    Bisi kwtalo teisa kwtal khe,
    Chwng achai kha. (2)

2. Bisino yachagwi langma swrang kha,
    Phola kwthar bai koboljak bai kha. (2)
   Tini le chini kha bo tongthogwi mwsa kha,
    Bisi kwtalo teisa kwtal khe,
    Chwng achai kha. (2)

                                   ####
                                      By: Tiken Debbarma

BOROKNI LANGMA ASWK BARA

              Borokni langma aswk bara
              Paima sislab ya jora;
              Jora tongsani khasi rwk ya khe le
              Mwnago hab anw bo le .-2

1. Khum bubar naithok bahaibo motom,
    Dakti hoichaui thangma hai;
    Hachwk ni twimuk riyorwi tongmani,
    Sachlango ranwi thangma hai;
    Langmani phangno sini man khe le
    Phola le khakchang anw .

2. Sikla jorani naithokma mwkhang
    Sni na tugwi se thang anw.
    Takjak thong kwrak nini nok naithok
    Baikhrubwi dakti thangma hai,
    Langmani phangno sini man khe le
    Phola le khakchang anw.

                        ####
                             By: Naphurai Jamatia

BIYANG KHÁR THÁNG SINAI?

          Biyang khár tháng sinai,
          Jaga krwi kha swngcharo
          Lengla thai jaga krwi kha,
          Biyang thángnai pál man ya.

1) Uanama poja birman pái ya,
    Khá-o khakchangma man ya;
    Mwnakma swngchar kobolwi tong kha,
    Lama koroi ma tong kha.(2)

2) Lama mwnakma himna ang si ya,
    Apha ano yak tol ja di;
    Khairoknai Kaitor ano bamsa di
    Ang lama koroi tongmani. (2)

3) Krimasingcha busu kwbángma,
    Yapri séna uanama;
    O subrai Jisu ang bai tong ja di,
    Nin' lama ano him rw di.(2)
                  ####
                     By: Manomohan Jamatia

BISI KWTALNI O CHINI KAITOR

               Bisi kwtalni o chini kaitor
               Nono Chwng khulum ja-o. -2

1.Horjlai bising twi boyar k'tungni bisingtwi
   Phemlok bai amjokma;
   Arini bising thwi, -2
               Hamari bai khobwi tubu kha
               Chwngno khairok jagwi. -2

2. Bisi kwtalni lama Chwng le si y'all,
    Hwnba chwng si-o;
    Swngcharni mol le ham ya,-2
               Thup rw di Nin' hamri motokno,
               O bisi ktalno bo. -2
                         ####
                                By: Naphurai Jamatia

BISI KWTAL LE MASING SACHLANG BAI

Bisi kwtal le masing sachlang bai,
Jora bai mwchangwi;
Boyar kwchang sibsaui,
Bisi kwtal kiphil kha.

1) Khumtoya bubar khumali bubar
    Bahai motom bai;
    Ani o kha-o bisi kwtal no,
    Tongthogwi yachak nai -2

2) Siniya toksani kwtwima Khorang nai,
    Bisino yavhaknai;
    Bwswk se khnathok bini Khorang rok,
    Bisi k'tal bai mwchangwi.  -2
                         ####
                                      By: Sushil Debbarma

BISI KWTAL KIPHIL KHA

    Bisi kwtal kiphil kha,
    Nokbar kwchang sibwi phai kha,
    Muito mano ani kha-o Jisuni dagima-2

1) O bisi kwchamno hambai rw-o,
    Ang hai sumgnangno yachago,
    O bisi kwtal nono hambai rw-o
    Ang hai sumgnangno yachago,

2) O kaitor nono hambai rw-o,
    Kha kiphil khe Nwng nakaro,
    O Subrai Jisu hambai rw-o
    Nakar lang kha Nwng chwngno.

                           ####

BISI KIPHILWI PHAI KHA

         Bisi kiphilwi phai kha
         Hamarini yaphang Subrai Jisuno
         Phai di chwng khulumnani. (2)

1) Swmai kwtal chwng tangnai,
    Yapri kwtal chwng sénai,
    Bisi kolokma chwngno twidulnai,
    Mwthangnai Subrai Jisu. (2)

2) Phai si di takhuk bukhuk,
    Tháng lai si anw tabuk;
    Chini o ha-o pír lai si anw,
    Mwthangnai Jisuno kókno. (2)

                             By: Subash Debbarma

                       ####
               

BETHLEHEM NI MUSUK NOGO

Bethlehem ni musuk nogo
Meri bai bamsajak sabotage? -2
          Bole Rajani Raja,
          Bole swngcharni pohor
          Bole chwngno mwthangnai pohor
          Bole chwngno mwthangnai Jisu.

1) Chukhani suarirok bugrano lob laiwi
    Tongthogwi mwsa lai kha,
    Tongthogwi rwchap lai kha,
          Phai bai di bayarok chwngbo bugrano
          Lobwi khulumnai,
          Lobwi rwchapnai.
2) Salkabaini diyarirok athukiri lekha laiwi,
    Bugrano rutugwi nuk kha;
    Bugrano khulum lai kha,
          Phai bai di bayarok chwngbo bugrano
          Lobwi rwchapnai,
          Lobwi mwsanai.
                  ####
                   By: Suklarani Debbarma

BETHLEHEM KAMI-O THANG DI

          Bethlehem kami-o thang di,
          Nini mwthangnaino nugwi anw;
          Arono khakchangma sanwi di. -2
1) Bo se khakchang ni bugra ,
     Bini thani nwng,
     Pai phlai ya khakchangma yachak di-2
     Khakchangma rwna bagwi,
     Chukha yakarwi phai kha. -2

2) Kwthar Merini ogo,
     Achai phaina nang kha;
     Sumsokno sunani bagwi Bo le -2
     Bo se mwthangnai Jisu,
     Bo'no khakchangni Bugra.-2

               ####
                       By: Ram Debbarma

BEBAK HAMARINI YAPHANG KAITORNO LOB DI (Praise Good, from whom all blessings flow)

Hamari phang kaitorno lob di;
Langma gnangrok Bono lob di;
Chukha tongnai Bono lob di;
Pha, Sajla tei Phola Ktharno. Amen

English version :
Praise God, from whom all blessings flow;
Praise him, all creatures here below;
Praise him above, ye heav’nly host;
Praise Father, Son, and Holy Ghost.

            ####

BSITHANG ANG NUKYA PHANO

Cho:
Baithang ang nukya phano , khw le khwna kha...
Bo kruso langma rwma kokno -2
Ang je khwnamano'no poito khlai kha....
Bo ano hamjakma kokno.

Tumung o lama twi Jisu phaiwi tong khe,
Ani mung khuui tumung ring rung phai khe-2
Hakhe Subrai hwnwi saui mannai de.. 2

Subrai himma lama twi ang himwi tongnai
A krus klaina nai khe ang romwi tisanai-2
Subrai nono hamjago hwnwi ang Sanai ...

           ####
                     By: Mark Debbarma
                     Khorang : S. Debbarma

Tei bo lyrics ni bagwi (boroklyrics.blogspot) o visit khaidi 

BAIBELO SE MWTHANGMANI KOK TONGO

Baibelo se mwthangmani Kók tongo,
Baibelo se khakchangmani kók tongo -2
Phai di chwng o kókno yachak laiwi,
Subraino lob lai sinai-2

1) Khakchangma kwrwi phru-o khakchang rw-o,
    Uanaui tong phru bo khá srang rw-o.
    Lama koro phru-o bo lama phnugo,
   Thangmani langmabo aro tongo.

2) Phai di takhukrok chwng yachak lainai,
    Chwngno Mwthangnai Jisuni kókno.-2
    Nwng le mannai bini hamjakmano,
    Phai di takhukrok chwng yachak lainai -2

                     ####

                     

BAHAI KHE POK MANNAI

1)          Bahai khe pok mannai,
             Nwng satokjakmano;
             Kwsa mang khe bwsago,
             Subraini aswk thwino.

                    Nini sakni thwi kwtharno,
                    Kochok rwi ha-o klangwi;
                    Sumsok kuplung chini
                    Bwkhano kwlang kha
                    Khakchangma rwi -2

2)     Bethlehemni simi nwng
         Kalbari hathai jora;
        Hamjakma Mari klangwi,
        Phnuk Lang kha Nwng khairokma,

3)    Chini sumsokni majra
        Nini sago se klai si-o;
        Nini sakni kwsa bai,
        Phnuk lang kha Nwng satokma.
                     ####

                         By: Naphurai Jamatia
** Norokni lyrics no o site-o manthok rwnani bagwi Comment box-o angbai kwrwngdi **

BAHÁI KHE CHWNG POGWI MANNAI

                Bahai khe chwng pogwi mannai,
                Chwngno chubanai Jisuno;
                Uansuk nai di Nin' khá-o
                Omor tongsak o swngchar,
                Pírwi thángnai Jisuni kókno,
                Swngchar gwnangwi chwng.

1) Hapung hathái twima twisa,
     Auar kuplung mai-khul bebak;
     Swngcharni goronrok nugwi,
     Subraino chwng muitu mano- (2)

2) Nwng swngcharo tong lang phru,
     Swngcharni bebak dopharok;
     Kubui samung tanglangma nugwi,
     Rwkthar lai kha Subrai Jisuno (2)

             ####
                       By: Atul Debbarma

Bacha phi di khá ta thwi kho di

              Bacha phi di khá ta thwi kho di,
              O cherjak ya Boroknisa
              Kebo cheryabo Kaitor se tong kho,
              Ton anw nono Bin' khuri.

1) Ma pha kwrwirokni Bo se ma-pha,
     Kiching kwrwirokni Bo se kiching;
     Nokphang kwrwirokni Bo se nok phang
     Nono taknaisa Bo se yaphang,
     Rangma manju di, poito khlai di,
     Nwng le tong phlainai kwthang- (2)

2) Ok khuijakrokno Bo se chámung rw-o,
     Lama kwrwirokno lama phunugo;
     Khibijakrokno kusupjakrokno,
     Khairogwi Bo le bamsana nai-o,
     Bono nwng le sini anw,
     Boni samungno nugwi - (2)

               ####

                       By: Naphurai Jamatia

BACHA DI TAKHUKROK

Bacha di takhukrok, o hodarok,
O dopharok sicha bai si di- 2

1) Uansugwi nai di nwng sak sakno,
     Boro o nwng kwlaiwi tong kha?
     Bo' lama-o nwng himwi tong kha - (2)

2) Piring poroi máng wngwi tong kha,
     Hamjakmabo kwma bai kha;
     Uansukma hamya bai kobol bai kha - (2)

3) Hachwk bolongrok twima twijlangrok
     Toksa yabrwirok Kaitorno lob kha;
     Bororok khe ba lama koro kha-2

                     ####

                               By: Sushil Debbarma

BACHA DI JISUNI PHAISING (Stand up, Stand up, for Jesus)

Bacha di Jisuni phaising, o Krusni sengkrakrok,
Bin' bana kchugo kobon rwi, kwplai wng tong di,
Kwplaima khlaiwi Jisu, Bin' sengkrakno twi-o,
Bin' phan bai kwplai khe, Khristo se kubui Bugra.


Bacha di Jisuni phaising, khna di bem khorang,
Choba-o tini him di tini, kriya khe jotono;
Kwbangma arirok bai nwng nang lai tongo,
Dosa-birman phaibo krak khe bacha di.


Bacha di Jisuni phaising, nwng Bini phan bai,
Mechenjaknai nini sak, nang khlai sakni phan bai.
Kothoma Kahamno chum di, surimáng tongwi,
Sokromjak dosa phaibo, tongnai Bin' hamri.


Bacha di Jisuni phaising, o choba dwknai ya,
Tini chobani khorang, khwna kwplai r'chapmung,
Kwplairok Langma motok manwi,
Molbrum tongwinai Khristo bai.


ENGLISH VERSION
Stand up, stand up for Jesus,
Ye soldiers of the cross;
Lift high his royal banner,
It must not suffer loss.
From victory unto victory
His army shall he lead,
Till every foe is vanquished,
And Christ is Lord indeed.

Stand up, stand up for Jesus,
Stand in his strength alone;
The arm of flesh will fail you,
Ye dare not trust your own.
Put on the gospel armor,

Each piece put on with prayer;
Where duty calls or danger,
Be never wanting there.

Stand up, stand up for Jesus,
The strife will not be long;
This day the noise of battle,
The next the victor's song.
To those who vanquish evil
A crown of life shall be;
They with the King of Glory
Shall reign eternally.
                ####
                      By: G. Duffield

AYANG NAR HATHÁI-O (On a Hill Far away)

Ayang nar hathái-o Krusno kai-wi tongo,
Sátokma bai lachi phnukmano,
A krusno ani bagwi, belai hamo,
Sumsokni bagwi B'rok kthar thwi kha.

Cho:
A krusno kwbagwi rom tongnai,
Ang thwimani sal sók phai ya sak,
Yakar yai kwrak khe rom tongnai;
Motok kwchwngno chwng mannai se.

A krusno bui selengwi sraimung rwjak phano,
Ang le ani khá sajaknai se.
O Kaitorni Sajla chukhano yakarwi,
Kalbarini Kruso thwi phai kha.

Kaitor khani Sajlani thwi yorjak Kruso,
Chukhani tola mwchang kugo.
Ang sum gnangno nakarwi kwthar khlainai
Bugra Jisu sátokjagwi thwi kha.

A krusno poito krakma cháiá romma te,
Kosto bai lachino rákhok yai.
Yagulo chukha-o chwngno tisai tlangnai,
Mol brúmni chwngsacha mannai se.

English version :
On a hill far away stood an old rugged cross
The emblem of suffering and shame
And I love that old cross where the dearest and best
For a world of lost sinners was slain

Cho:
So I'll cherish the old rugged cross
Till my trophies at last I lay down
And I will cling to the old rugged cross
And exchange it some day for a crown

To the old rugged cross I will ever be true
It's shame and reproach gladly bear
Then he'll call me someday to my home far away
Where his glory forever I'll share

And I'll cherish the old rugged cross
Till my trophies at last I lay down
And I will cling to the old rugged cross
And exchange it some day for a crown

I will cling to the old rugged cross
And exchange it some day for a crown
             ####
                 By: George Bennard

Ayang nahar di Bini pohorno

1) Ayang nahar di Bini pohorno
    Chwngsai tong rw kha Bin' digi
    Kiphilwi phai di Bin' digi.

                Pohorni bwsa pohor bai kak kha
                Bwswk ring kha chini Apha;
                Bwswk ring hór kha chin' Apha,

2) Bisi kwbángma kwmaui tong kha
     Naisingwi tongo ta ler di;
     Naisingwi tongo ta ler di.

3) Phai di takhukrok Jisuni thani
     Bini hamjakma yachak di
     Bini hamjakma yachak di,

                      ####

                      By: Monmouhan Jamatia

***please comment about the lyrics ***

**For more updates please be with me **

ATHUKIRI CHWNGSAI PHAI KHA NOKHA SAKA-O

Athukiri chwngsai phai kha nokha saka-0,
Achai phai kha Merini ok twi
swngchar sumsogo,
Rangchak bai tei rukphai bai,
Sairenda bai tei sumui bai,
Yachak sok di chini Jisuno...o jadu..
Kaitorni a kubui Sajlano.

1) Sumsok chaya swngcharno,
    Phiyóknani brorokno,
    Tubui phai kha langma kwtalno,
    Molbrum tongthokno. (2)

2) Poja hilik hornaino,
     Leng la rwnai saklomo,
     Tubui phai kha khakchang boyarno,
     Kwthar kwchwngno. (2)
                        ####

                             BY: APURBA DEBBARMA

**Feel free to comment about the lyrics, if you like it **

ANI SUMSOK ASWk KWBANGMA

               Ani sumsok aswk kwbángma,
               Ang tei hor man li ya( (2)
               Ha bai nokhani kwcharo ani,
               Tongthai haphar se krwi kha,
               Hamjakma kwbáng Jisu Nwng le,
               Sumsokno nakar si di, o Subrai.. (2)

1) Swngcharo phaiwi khatungma bángwi,
    Tong ja kha Nwng bai chalwi (2);
    Krus saka-o Nwng hamjakma bai,
    Phai ja-o ang le katungwi.

2) Hayung mwnago beraiwi nai khe,
     Nwng hai nakarnai kwrwi.-2
     Paithakni salo ano ta pok di
     Chukhani saka o ton di.

             ####
                       By: Apurba Debbarma

ANI SUBRAI, NONO HAMJAGWI

Ani Subrai, nono hamjagwi
Nin' thani ang phai-o.
Ani bebak sumsok yakarwi
Nin' gana ton ja di.- - (2)

1) Mungsa chuk ya langmano twi
    Nono rwktharo sumsok bwkha bai. -2
    Ani o Subrai ani yak rom di
    Ani o Subrai yak tolwi twi di,
    Kwtharni kwthar, kubui lama-o. (2)

2) Krima chajak ani o langma
    Yaphar kha nono - o ani Subrai) 2
    Uanama kwrwi kha Jisu-o ang le
    Krima kwrwi kha- Jisu-o ang le.
    Langmani lama Subrai Jisuno. (2)

3) Hilikma poja phai phru
     Nasok kha Apha khairokma yak bai 2
     Khairokma kwbahng Subrai lisu le,
     Hamjakmung kuplung Subrai Jlisu le
     Aro se ani lenglamung mano,
     Aro se ani khakchangmung mano.

               ####

                      By: Samuel Jamatia

ANI SAK-LANGMA YAPHARO NONO

           Ani sak langma yapharo Nono Kaitor
           Ano Nwng twi dul ja di.-2

1) Chukha lama-o ang himwi tong phru,
    Yapri belo ang le. - (2)
           Saui kwlang kha Subrai Nwng le,
           Chubanai Phola Kwthar bai. - (2)
                      Hambai Nono (2)
                      Hambai Subrai Nono.

2) Swngchar dukhu bai khá kham tong phuru,
Muitu mano Nini koktháino-2

Chukha tongthokno khatungma bai ang, (2)
Khakchangma mano bwkha-o-(2)

                      Hambai nono. - (2)
                      Hambai Subrai Nono.

                              ####

                  By: Subash Debbarma

ANI O KHÁNO

                Ani o kháno
                Subraino yapharo. (2)

1) Subraini mol páinai kha
     Kaitorni ha bo sampha kha;
     Tháng sinai ang le tháng sinai
     Subrai bai chukha saka-0.

2) Swngchar gwnangwi tini
     Pir sinai Kaitorni kókno
     Thag sinai, ang le tháng sinai
     Subrai bai chukha saka-o. (2)

           ####
                            By: Atul Debbarma

ANI KHUK BAI ANI SLAI BAI

     Ani khuk bai ani slai bai,
     Kaitorni lob máng tongnai,
     Sapung hopug lam kologo,
     Ang le rwchap máng tongnai-2

1) Bini snamjak manwirok,
     Bwswk se naithokma nai di;
     Panthor mai khulrok bai,
      Bwswk se mwchangma nai di- (2)

2) Hachwk bolongrok bai,
     Naithokma bára nai di;
     Twima twijlangrok bai,
     Swngchar naithokma nai di (2)

3) Tal sal athukrirok bai,
     Swngchar naithokma nai di;
     Khumbarrok toksa pungma bai,
     O ha le mwchangma nai di -(2)

             ####
                        By: Sushil Debbarma

** If like this song, please drop a comment in the comment box **

ANI KHÁNI BETHLEHEMO

          Ani kháni Bethlemo,
          Nwng le phaiwi achai di;
          Nono mwchangjak mungsa kwrwibo,
          Nwng se mwchang rw di.

1) Nwng le Chukhani pohor tubui
    Achai phai kha o swngcharo;
    Achai phai di ani khá-o,
    Pohor bai kobol di ano,

             Krima kuplung ani khá-o,
             Tong ja di Bugra aro. (2)

2) Nwng phai khe le ani khá-O,
    Mwnakma kwmaui thángnai
    Chuknoha-o le sóg phainai
    Nini mwkhangbo nuknai

             Nwng phaima bai langma kwtal,
             Ang le manwi tong sinai.- (2)

                        ####
                             By: NAPHURAl JAMATIA

...If you love the song, plz drop a comment in the comment box... 

ANI BKHA LE BELAI TONG THOGO

          Ani khá le belai tong thogo,
          Bisi k'talno manwi.(2)
          Ah... Ah.... Ah.
          Oh.. Oh... Oh.

1) Bisino mwchangwi
     Boyar sip phai kha;
     Toksarok khatung laiwi,
     Kaitorno lob lai kha,
     Bisi k'talno manwi. (2)

2) Bolong panthor harung, auarrok,
     Khatung khaja khe;
     Chini Kaitorno,
     Lob kha bisi k'talno manwi. (2)

3) Ang chúkjak yano,
    O ani Kaitor:
    Nini thani yaphar ja-
    Ano Nwng kwtal khlai phi di.
            ####
              By: Sushil Debbarma

ANI BWSAK LE KEBEL JA SE

            Ani bwsak le kebel ja se,
            Jisu Nwng ano bamsa di,
           Ani phola-o Nwng kwrwi khe,
           Ani mang le kwthwi se,
            ...isu Nwng kwrwi khe.

1) Sai mano samung hamyano,
    Tangjago a hamyano,
    Ano sai man rw-o Phola-o,
    Khnaya ang Bini kókno,
    Kahamno tangna muchungo,
    Tang rw ya swngchar kasu-o.

2) O Phola kwthar ano,
    Kobol di Nwng ano,
    Ang hai sum gnang brokjano,
    Nakar di Nwng ano,
    wi-dulwi ano tong ja di,
    Ham ya-o ano kasu di.

3) O ani Subrai Jisu,
    Nwng ang bai máng tong di. (2).

           ####
                   By:-MANMOHON JAMATIA.

ANI BWKHA SUMSOK GNANGNO

1) Ani bwkha sumsok gnangno
     Nini nok k'thar snam si di
     A bisingo ani Bugra,
     Molbrum brum tong phai di,
     Nwng tongma-o (2)
     Khakchang phlai máng tong ja-o. (2)

2) Nwng bai uaisa malai man khai
     Nono uaisabo nuk kha;
     O hani naithokama slaibo,
     Nwng teibo naithok kugo,
     Ani langma, (2)
     Nini thani yaphar bai kha (2)

3) Nakar si di ani sumno
     Ani pholano mwthang di;
     Mwnakma-o tongna muchung ya,
     Chukhani pohor phai di
     Nwng chwng phai khai (2)
     Ani khá khakchang wngo. (2)

Mwthangnai jisu achaiwi phaikha (Video)

ANG UANA-O SUBRAI

             Ang uana-o Subrai,
             Bahai khe Nin samung tangnai,
             Ang le sak sum gwnang. (2)

1) Thwiblang bwsakno twi-wi,
    Khuk bai majwra berwi,
    Sakni muchungma kokno sa wi,
    Bahái khe Nin' samungno tangnai. (2)

2) Jisu sa-o norok dopha kwthar,
    Swngcharni uanama uru muru-o,
    Kaitorni chongjak achai bosong.
    Bahái khe Nin' samungno tangnai. (2)
                ####
                         By: SHANTI DEBBARMA

ANGLE SAK SAK

Ang le sak sak sumgnang,
Raidano swbai-o;
Phan rw si di Subrai ano,
Kubui lama twi himnai -2

1) Kwlwk tong kha ang sumsogo,
     Man liya ang le yóknani;
     Poito khlaiwi tongo ang le,
     Kubui lama twi himnani (2)

2) Ringwi tongo sum gnangrokno,
     Phai di norok Ani thani;
     Tongwi mannai ani gana,
     Thwi phlai ya langma mannani-2
       ####
             By: Forum Sangma

ANGLE NINI SE (I Am Thine, O Lord)

ANGLE NINI SE
IAm Thine, O Lord

1) Ang le Nini se o Bugra Kaitor,
    Nwng thwimani Krus tola;
    Poito bai ang yak phologwi koi-o
    Ton di ano Nin' samo,

           Ano ton di samo, samo, o Bugra,
           Nwng thwimani Krus samo;
           Ano ton di samo, samo, o Bugra,
           Nin Krus tong thai-o se,

2) Khairokma thok bai chong ja di ano
     Nini samungo Bugra
     Khatung rw ja di ani pholano;
     Ton di Nini muchung twi.

3) Nin' achukthai bwskango suriui
    Ani bwkha tong thogo;
    Yaskú sungwi ang suri-o Kaitor
    Kiching hai ang tong mannai.

4) Nin' hamjakma k'thuk ang sisók ya
    Saui mannai kebo krwi;
    Chukha saka-o ang sógwi ya sak
    Lenglathai ani krwi.

5) Ang phai phru Bugra Chukha saka-
     Kwthwi twima ang bárwi;
     Aphru sai mannai Nini hamjakmung,
     Khakchangwi ang lenglanai.
                    ####
**O Rwchapmong no chajak khe comment khaidi**

ANGLE KHA SIYA

          Ang le khá si ya kwmai tong phuru,
          Subrai nang kha Nono tini. (2)

1)Mwnakjak swngcharo kwmai tong phuru,
   Subrai khocha kha tini;
   Ang le buchi ya kwmai tong phuru,
   Subrai ano buji rw-o. (2)

2) O Subrai ang le belai tongthogo,
    Nwng ano chubama bagwi;
    0 Subrai ang le belai tongthogo,
    Nwng ano hamjakma bagwi. (2)
               ####
                    By: Monoranjan Debbarma

ANGLE HIMNAI JISUNI LOG

          Ang le him kha Jisuni logi,
          Ang le nuk man kha Bono
          Phai bai si di jotono. (2)

1) Jisu bai tong khe uanama pogo,
    Bono man khe le, khakchangma mano. (2)

2) Jisu bai tong khe kiri ya wngo
     Bono san khe le phanbo mano. (2)

3) O takhuk rok thansa wng si di
    O bukhukrok phai bai si di. (2)
                    ####

ANG LE CHUKJA YA

          Ang le chúk jaya, nakar sanja-o,
          Ang le chúk ja ya - (2)

1) Ang chúk ja yano
    Chúk rwnai Nwng'no;
    Khairoknai Jisu simino - (2)

2) Chaya lama-o himjakmarokno,
    Nakar kha hamjakma bagwi;
    Hambai rw-o Kaitor Nono,
    Hamjaknai Kaitor Nwng'no.

3) Ani sumsokno,
    Susanai Nwng'no;
    Hambai rw-o Jisuno.- (2)

4) Dugar kesep twí himna ang si ya,
    Kaitor ano yak tol ja di;
    Dugar kesep twi himna ang si ya,
    Kaitor ano bamsa di.
         #####
                   By: Abhiram Debbarma

ANG BACHAUI APHANI

ANG BACHAUI APHANI

1) Ang bacha-ui Aphani thani tháng sinai,
Ani bwskang mwnak tong kha;
Ano hamjaknaisa le swngcharo krwi kha,
Aphano karwi ang nuk ya.

          Sumsok khlai ang kmai tong phru,
          Bo hamjakma thak man ya;
          Khá kiphilwi rutuk tong khai,
          Bo ano hamjago.

2) Aphani nogo aswk rang-rí tong bai-o,
Uana yaui tongwi mano;
Mai ok khuiwi ok bukcha khlai de ang thwinai?
Tamo bigra hai ang ma tong ?

3) Bini thani ang tong phru belai tongthogo,
Swngchar naithok ang nuk mano;
Ang Aphani nogo tong phru belai tongthogo,
Ang nakar sanwi tong sinai.

4) Ang sumsok uana bai dugu rwnaisano,
Ano bo tongthai rwi man khai;
O swngchar jolma jolsano khatung li ya
Bini naithokma paí tongo.
            ####

JISU SAK PHANG CHWNG BAI TONG DI

JISU SAK PHANG CHWNG BAI TONG DI

Jisu sak phang chwng bai tong di,
Nin phola bai twidul di o Subrai

1) Chwng le yapri kebel ja,
    Chwng le chúk ja ya cha ja ya,
    Kaitor chwngno hamari rw di.

2) Nin kók bai bebakno snam kha,
    Nini kókthairok pái phlai ya,
    Bebak pái phano nin kók pái ya.

3) Nini khairokma kwrwi khe,
    Hayung naithok tong glak khamun,
    Kaitor phnuk kha bini hamjakma
         ####
**O Rwchapmong no hamjak khe comment khaidi**

ACHAIWI PHAI KHA

ACHAIWI PHAI KHA

Achaiwi phai kha chini Jisu le
Chwngno hamjakma bagwi
Khakchangma man kha chini o khá-o
Jisuno manma bagwi 2
#ho..ho...ho...ho.
La.. la..la...la...  2

1) Khajak bororok khengwi rwjak kha
    Kusupjákrok yógwi mwsa kha

    Mwnakma swngcharo pohor sók phai kha
    Lengják bororok lenglama man kha. 2

2) Yak bai yak romwi chwng le mwsanai
    Khapang kha swrangwi chwng le rwchapnai

    Khajak tongmani yókmani bagwi
    Kwtal langmano manmani bagwi-2
          ####
                            By: Nandani Debbarma
     **O Rwchapmong no chajak khe comment khaidi**

ACHAI PHAI KHA CHINI KAITOR SAJLA

ACHAI PHAI KHA CHINI KAITOR SAJLA

          Achai phai kha chini Kaitor sajla
          Tini chini khrismas

1) Aichukni nokbar sib sa kha,
    Bwswk khátung phi kha
    Chini khapang srangsa phi kha,
    Kaitorni sajla achaima bai

2) Khristo achaima sal,
    Tongthokma salkotor bini achaima sal,
    Suarirok lob phai kha Jisuno,
    Rwchabwi lob kha Khristono

3) Khristo achai kha Betlehemo,
    Musuk tongma nogo achai kha,
    Phai di chwngbo bono khlum anw,
    Chini kwtal bugrani bugrano.
             ####
**O Rwchapmong no chajak khe comment khaidi**

A SAL BAI A JORA

A SAL BAI A JORA
A sal bai a jora
Buphuru phaino kebo saui man ya,
Chukhani suari bu ya Sajla bu ya
Pha, simi se abo saui mano )-2
A sal bai a jora...

1) Sanja jora hor diboro,
    Aichugo, sal kasai phano,
    Bo le phaina tongo,
    Sichai tong di, hus wng di. ) -2

2) Bo le phainai sikok phai twi,
    Sichajak Bini borokno
    Bo le na phainai,
    Sichai tong di hus wng di. ) -2
                   ####

KHAKCHANGDI BUGRANO KHLUM DI

KHAKCHANGDI BUGRANO KHLUM DI
O Happy day,... that fixed my choice

1) Khakchang di Bugrano khlum di,
    Mwthangnaino mánwi tong di,
    Khakchang di bwkha uanama,
    Bugra nono tlangna m'chungo.

          Khakchang di, khakchang di,
          Jisu chini sumsok sú kha.
          Chwngno phrwngo surinairok,
          Sal bai hor bai chwng bai tongo.
          Khakchang di, khakchang di,
          Jisu chini sumsok sú kha.

2) Chini bagwi Bo'no thwi kha,
     Mwthangnaino lob lai sinai,
     Chwngno ringo Bo bai him di,
     Khorang k'twi bai chwngno ringo.

3) Ani bwkha lengla gra di,
     Abo se lenglamani thai,
     Bugra nono twina nai-o,
     Bini lenglama-o him di.

4) Chukhani Kaitor kók kwthar,
     Sal bai hor bai khakchang rw-o,
     Ani thwimani yagulo,
     Molbrúm brúm hamari mannai.

HAMBAI NONO O CHINI KAITOR

 HAMBAI NONO O CHINI KAITOR

1) Hambai Nono o chini kaitor,
Chwngsasa nokhani bagwi;
Hambai rw-o, hani borokno
Nwng hamjakmani bagwi.
Sapung hopung, suarirok sal,
Tal-athukrirok lob lai-o,
Hachuk twisa, twima twijlang,
Auar naithok tei rangma gnang
Nono lobo.

2) Hambai Nono o chini kaitor,
    Subrai Jisuni bagwi,
    Sumsokni majra sago twi-wi,
    Kros saka thwimani bagwi.

3) Hambai Nono o chini kaitor,
    Nin' phola kwtharni bagwi,
    Gambia rw-o sapung hopung
    Chwngno chubamani bagwi.
      #######
                       By: Naphurai Jamatia

HALLELUIA O KAITOR CHWNG NONO

HALLELUIA O KAITOR CHWNG NONO

Halleluia o kaitor,
Chwng nono hambai rw-o
Halleluia o subrai,
Chwng no-no lobwi rwchabo
Nwng chwngno hamjakma bai
Nwng chwngno khairokma bai.  (2)

1) Nin' khairokma o swngcharo,
    Bwswk se chwng manwi tong;
    Pai phlai ya nini khairokma,
    Chwngno nwng snamma bagwi
    Hambai Immanuel Nono
    Hambai kaitor Nono.  (2)

2) Pai phlai ya Nini hamjakma,
    O Subrai hambai Nono;
    Phola k'thar bai twi-dul jadi,
    Chwng twi sum gnang borok jano,
    Chwng le chuk ja ya Nin' thani
    O subrai chuba ja di.  (2)
     #######
                    By: Sushil Debbarma

HANI SWNAMJAK HA-O'NO TONGNAI

hani swnamjak ha-o'no tongnai
phola le chini kaitor bai tongnai... 2
     phola le chini kaitor bai tongnai....

1. Kaitor chwngno Kok rwmani
    Sajlani bising twi mwthangnani.... 2
    Sajla phai phru bachaui chwng
    Chukha-o baksa khe thang lainai Chwng...

2. Langma thaknai jora phai khe
    Yakarwi ma thangnai jora pai khe... 2
    Masing sachlang sai malang ya
    Molbrom ni bagwi le kebo phai ya
        ################
                   By: Shankar Debbarma

BETHLEHEMNI KAMICHANGGO

O... O... O,  La... La... La (2)
Bethlehemni kamichango
Jisu Raja achai Kha,
Nono ano mwthangna hwnwi
Bo le swngcharo phai kha.

1) Thok motom yago twi-wi
     Hiyali yago twi-wi
     Jisuno khulumnani
     Bugrano lob lainai.

2) Toksarok pung bai phi kha,
     Khumbar rok tong thokjak kha,
     Jisuno khulumnani
     Jisuno lob lainani .
          ############

Khakchang rwmani

Teibo lyricsni bagwi loge tongdi