ANI SUMSOK ASWk KWBANGMA

               Ani sumsok aswk kwbángma,
               Ang tei hor man li ya( (2)
               Ha bai nokhani kwcharo ani,
               Tongthai haphar se krwi kha,
               Hamjakma kwbáng Jisu Nwng le,
               Sumsokno nakar si di, o Subrai.. (2)

1) Swngcharo phaiwi khatungma bángwi,
    Tong ja kha Nwng bai chalwi (2);
    Krus saka-o Nwng hamjakma bai,
    Phai ja-o ang le katungwi.

2) Hayung mwnago beraiwi nai khe,
     Nwng hai nakarnai kwrwi.-2
     Paithakni salo ano ta pok di
     Chukhani saka o ton di.

             ####
                       By: Apurba Debbarma